ಮಿಂಚಿ ಮರೆಯಾಗ ಬೇಡ
ಸಂಚು ಹೂಡಿ ಅವಿತುಕೊಳ್ಳಬೇಡ
ಮರೆಯಲ್ಲಿ ನಿಂತು ನನ್ನ ಅಣಕಿಸಬೇಡ
ಮುದ್ಡಾದ ಮುಖವ ನೀ ನನ್ನಿಂದ
ಮರೆಮಾಡಿ ಈ ಮನ ಹಿಂಡಬೇಡ
ಸರಿದು ಹೋದ ಜೀವನ ಚೈತ್ರ ಗಳಲ್ಲಿ
ಹರಿದು ಹೋದ ಮನದ ಭಾವನೆಗಳಲಿ
ಬಸಿದು ಹರಡಿದ ವಿಶೇಷ ಪದಗಳಲ್ಲಿ
ನಿನ್ನ ಕಾಣುವ ಇರಾದೆ ಇದೆ ನನ್ನಲ್ಲಿ
ಕರಗಿ ಬೀಳುವ ಮೇಣದ ಶೇಷ ನಾ
ಸೊರಗಿ ಬಾಡುವ ಬೇಡದ ಬಳ್ಳಿ ನಾ
ಮರುಗಿ ಕೊರಗುವ ಮಸಣದ ಮೌನ ನಾ
ನೀ ನಿರದ ಜಗವ ನಾ ಕಾಣುವ ದಿನ
ವಿಘ್ನ ಗೊಂಡ ಭಗ್ನ ಪ್ರೇಮದ ನೋವು
ಕಾಲದ ಅನಿರೀಕ್ಷಿತ ಕಹಿ ನಿರ್ಧಾರದ ಕಾವು
ಕಾಡ ದಿರಲಿ ನಮ್ಮನ್ನು ನೀಡದೆ ಯಾವುದೇ ಸುಳಿವು
ಇರಲಿ ನೀ ಬರುವ ದಾರಿಯ ಕಾಯುತ ನಾನಿಹೆನೆಂಬ ಅರಿವು
Subscribe to:
Post Comments (Atom)
1 comment:
hELOke padagaLilla...
Post a Comment